Press-Release
Asuntu : MPRM DESTAKA PAPEL KRUXIAL HUSI MRT, E.P., IHA DEZENVOLVIMENTU REKURSUS MINERAIS Sua Eselénsia Ministru Petróleu no Rekursus Minerais, Francisco da Costa Monteiro destaka papel kruxial husi empreza Murak Rai Timor, E.P., tanba tenke trasa estratégia no programas estratéjiku sira, hodi jere no explora Timor-Leste nia riku-soin. Iha Inaugurasaun Eskritóriu Provizóriu iha Timor Plaza Díli, Sua Eselénsia tenik katak, foku primeiru iha governasaun mak halo restruturasaun, inklui kria empreza estatal Murak Rai Timor, E.P., hodi bele apoia servisu iha seitór petróleo no minerais. Tanba ne’e, Sua Eslénsia fiar katak, empreza estatal ne’e sei uza espasu ne’ebé inaugura ona, hodi dezenvolve-an no garante dezempeñu servisu investigasaun no explorasaun ba seitór minerais, nune’e bele apoia dezenvolvimentu ekonómiku no hadi’a povu nia moris. Señor Prezidente Murak Rai Timor, E.P., José Gonçalves tenik katak, empreza estatal ne’e iha vizaun, missaun no planu estratéjiku estratéjiu definidu ona ba seitór minerais ba futuru. Líder empreza ne’e fiar katak, espasu foun ne’ebé inaugura ona, sei tulun implementasaun programa empreza no governu nian. REMATA
Data Publica : 2024-06-26 00:00:00
Descrisaun :
.jpeg)
.jpeg)
