Press-Release
Asuntu : Press-Release Ró Qi Jiguang husi Forsa Marina Xina Vizita Timor-Leste Ohin, Kinta-feira, 30 Maiu 2024 – Ministériu Defeza, liu husi Diretór-Geral Polítika Defeza Nasionál (DG-PDN), Sr. Nuno Carvalho Santos, akompaña Vise Xefe Estadu Maior Jenerál FALINTIL-Forsa Defeza Timor-Leste (F-FDTL), Majór Jenerál Calisto Santos Coliati no Embaixadora Xina ba Timor-Leste, Sra. Wang Wenli fó bem-vindo ba Forsa Militár Navál no Ró Qi Jiguang husi Xina ne’ebé hala’o vizita mai Timor-Leste. Vizita husi Ró Qi Jiguang husi forsa Navál Xina nian ne’e tuir planu sei atraka iha Portu Díli, husi loron 30 Maiu to’o 3 Juñu 2024. Hafoin vizita ba Ró Qi Jiguang, Vise Xefe Estadu Maior Jenerál FALINTIL-Forsa Defeza Timor-Leste (F-FDTL), Majór Jenerál Calisto Santos Coliati, hateten katak prezensa husi Ró marina husi Forsa Naval Xina mai Timor-Leste ne’e nu’udar tradisaun militár marina iha mundu hodi hametin kooperasaun iha área Defeza no militár. Durante vizita Ró militár iha Timor-Leste, forsa marina husi Xina mós sei hala’o vizita akadémiku ba Institutu Defeza Nasionál (IDN), Komponente Naval Hera, no sei termina ho jogo amizade entre forsa marina husi Xina kontra ekipa forsa navál husi Timor-Leste. Média MD
Data Publica : 2024-06-26 00:00:00
Descrisaun :
.jpeg)